पॅनकार्ड क्‍लब गुंतवणूकदार करणार आंदोलन

पुणे – देशभरातील सुमारे 55 लाख गुंतवणूकदार पॅनकार्ड क्‍लब्ज लि. कंपनीच्या जाळ्यात फसले असून, राज्यातील जवळपास 40 लाख गुंतवणूकदारांच्या परताव्याचे भवितव्य टांगणीला लागले आहे. मात्र राज्यातील एकाही खासदाराला हा प्रश्न संसदेत निकाली काढावा असे वाटले नाही. राज्यातील गुंतवणूकदारांचा हा आक्रोश त्यांच्या कानापर्यंत पोहचवण्यासाठी राज्यातील सर्व खासदारांच्या घराबाहेर “घंटानाद आंदोलन दि. 10 ते 12 सप्टेंबर रोजी करण्यात येणार असल्याचे राष्ट्रशक्ती संघटनेचे अध्यक्ष ज्ञानेश्वर दारवटकर यांनी सांगितले.