विद्यार्थ्यांनी घेतली सामुहिक स्वच्छतेची शपथ

निगडी – पिंपरी चिंचवड महानगरपालिकेच्या वतीने शहरात स्वच्छता संस्कार वाढण्यासाठी स्वच्छ भारत अंतर्गत सामूहिक स्वच्छता शपथ घेण्याचा उपक्रम राबविण्यात येत आहे. या उपक्रमातंर्गत शिवभूमी विद्यालयात शनिवार दि.13 रोजी सुमारे 3100 विद्यार्थ्यांनी स्वच्छता शपथ घेतली. या कार्यक्रमाचे आयोजन पर्यावरण संवर्धन समिती (इसिए)च्या वतीने करण्यात आले होते. पिंपरी चिंचवड महापालिकेचे आयुक्‍त श्रावण हर्डीकर यांच्या उपस्थितीत 3100 विद्यार्थ्यांना स्वच्छ भारत अभियानाबाबत माहिती देण्यात आली व स्वच्छता शपथ वाचन करण्यात आले.