ई-वाहनांना ‘गती’

राज्य सरकारच्या नव्या ई-वाहन धोरण २०१८ चा पहिल्या टप्प्याची अंमलबजावणी पुण्यात होणार असल्याने अशा स्वरूपाची वाहने घेणाऱ्या अथवा त्यासाठी चार्जिंग स्टेशन उभारणाऱ्या उद्योजकांना विविध सवलती मिळणार आहेत. ई-वाहनांना प्रादेशिक परिवहन विभागाच्या पथ कर (रोड टॅक्स) आणि नोंदणी कर (रजिस्ट्रेशन फी) माफ करण्यात आला आहे, तर चार्जिंग स्टेशनची निर्मिती करणाऱ्यांकडून व्यावसायिक दरांऐवजी घरगुती दराने वीज आकारणी केली जाणार आहे.