पालिका अर्थसंकल्पावर पूर्णतः भाजपची छाप?

पिंपरी - महापालिकेत गेले वर्षभर निरंकुश सत्ता असूनही भाजपला स्वतःची अशी छाप पाडता आलेली नाही. आता आगामी आर्थिक वर्षाच्या अर्थसंकल्पाची संधी साधून विविध आकर्षक योजनांसाठी भरघोस तरतूद करून स्वतःचा ठसा उमटविण्याचा भाजपचा प्रयत्न आहे. नवीन उपक्रमांचे फुले, शाहू, आंबेडकर यांच्यासह स्वातंत्र्यवीर सावरकर, हुतात्मा चापेकर, दीनदयाळ उपाध्याय, श्‍यामाप्रसाद मुखर्जी असे नामकरण करण्यात येणार आहे.