पार्किंग देता का पार्किंग?

पुणे महानगर परिवहन महामंडळाच्या (पीएमपीएमएल) ताब्यात पुढील काही महिन्यांमध्ये नव्याने एक हजार बस दाखल होणार असल्याने आगार (डेपो) आणि पार्किंगसाठी १३ जागा उपलब्ध करून देण्याची मागणी पुणे महापालिकेकडे करण्यात आली आहे. शहराच्या वेगवेगळ्या भागांतील महापालिकेच्या या जागा पीएमपीला मिळाल्यास संबंधित ठिकाणी बसचे संचलन सुधारण्यास मदत होणार असून, 'डेड किमी' कमी झाल्याने पीएमपीचा तोटा कमी होण्याचा दावा केला जात आहे. या जागा पीएमपीला उपलब्ध करून देण्यात पालिकेतील कारभाऱ्यांची भूमिका निर्णायक ठरणार आहे.