शिवाजीनगर ते हडपसर मेट्रोमार्गाचा ‘डीपीआर’

पुणे महानगर प्रदेश विकास प्राधिकरणाने (पीएमआरडीए) शिवाजीनगर कोर्ट ते चैतन्य कॉलनी, हडपसर या प्रस्तावित मेट्रो मार्गाचा सविस्तर प्रकल्प अहवाल (डीपीआर) तयार करण्याचा निर्णय घेतला आहे. त्यासाठी 'पीएमआरडीए'ने दिल्ली मेट्रो रेल कार्पोरेशनला (डीएमआरसी) पत्र पाठवून डीपीआरबरोबरच या मार्गासाठी किती खर्च येईल याची माहिती देण्याची विनंती केली आहे. 'पीएमआरडीए'कडून शिवाजीनगर ते हिंजवडी हा मेट्रो मार्ग करण्यात येणार असून त्याचाच एक भाग शिवाजीनगर कोर्ट ते हडपसर हा असणार आहे.