शहरातील बंद असलेली खेळाची मैदाने तातडीने पुन्हा सुरू करा – आमदार लक्ष्मण जगताप

पिंपरी (Pclive7.com):- पिंपरी चिंचवड शहरातील अनेक खेळाडू बॅडमिंटन खेळासाठी बॅडमिंटन हॉलची मागणी करत असून उपलब्ध हॉल कमी पडत असल्याने खेळाडूंची अडचण होत आहे. महापालिकेच्या स्व:मालकीचे असलेले थेरगाव येथील बॅडमिंटन हॉल व पिंपरीतील ‘काशिबाई शिंदे’ बॅडमिंटन हॉल सद्ध स्थितीत बंद अवस्थेत असून, गोडावून म्हणून त्याचा वापर होत असल्याचे समजते. शहरातील खेळाडूंच्या असलेल्या मागणीचा विचार  करता त्यांच्या सोयीकरता सदर हॉल सुरू करणे गरजेचे असल्याचे समजते. सध्या शाळा व महाविद्यालयांचा सुट्ट्यांचा कालावधी सुरू होत असल्याने प्रकर्षाने याची उणीव जाणवणार आहे. तरी, हे सर्व बॅडमिंटन हॉल खेळाडूंना खेळासाठी तातडीने उपलब्ध करून द्यावेत. अशी सूचना आमदार लक्ष्मण जगताप यांनी महापालिका प्रशासनास दिली आहे.