'स्मार्ट' रस्ता

पायाभूत सुविधांबाबत पिंपरी चिंचवड पुण्याच्या तुलनेत सरस आहे. आता नव्या मेट्रो प्रकल्पामुळे त्यात आणखी भर पडणार आहे.

विकासाच्या दिशेने मार्गक्रमण करताना पुणे आणि पिंपरी चिंचवड या दोन जुळ्या शहरांनी स्मार्ट रस्ता अवलंबला आहे. देशात झपाट्याने वाढणाऱ्या शहरांमध्ये पुण्याचा समावेश होतो. पुण्याभोवती औद्योगिकीकरण वेगाने वाढत आहे. त्यामुळे पिंपरी चिंचवडच्या औद्योगिक पट्ट्यातील पायाभूत सुविधांच्या विकासात भर पडत आहे. पिंपरी चिंचवडमध्ये जगातील प्रमुख वाहन उद्योग कार्यरत आहेत. हा परिसर चांगल्या प्रकारे जोडला गेलेला आहे. त्यामुळे पायाभूत सुविधांबाबत पिंपरी चिंचवड पुण्याच्या तुलनेत सरस असून मेट्रोच्या आगमनानंतर त्यात मोठी भर पडणार आहे.