सीएनजी पंपावर पीएमपी बसच्या रांगा
पिंपरी – नेहरूनगर पीएमपी आगारात सीनजी पंपावर गॅस भरायला बसच्या रांगा लागत आहेत. गॅस भरण्यासाठी बसमधील प्रवाशांना खाली उतरुन भर पावसात उभे रहावे लागत आहे. नेहरुनगर पीएमपी आगारात एकमेव सीएनजी गॅस पंप असल्याने पिंपरी-चिंचवड शहरातील सर्वच आगारातील बस सीएनजी भरण्यासाठी नेहरूनगर आगारात येतात. त्यामुळे आगारातील पंपावर मोठी गर्दी होत आहे. पिंपरी-चिंचवड शहरातील निगडी व भोसरी या आगारात सीएनजी पंप नसल्याने येथील बस सुद्धा पिंपरीच्या नेहरूनगर आगारात येत असतात. आपण लवकरच आपल्या ठिकाणी पोहचू या विश्‍वासाने बसमध्ये बसलेल्या प्रवाशांना बराच वेळ आगारात बसमध्ये गॅस भरेपर्यंत वाट पाहत उभे रहावे लागते आहे.
No comments:
Post a Comment