नगरसेविका कमल घोलप झाल्या १० वी पास; ७२ टक्के गुण मिळवत दिला नवा आदर्श!

पिंपरी (Pclive7.com):- शिक्षणाला वयाची कोणतीच अट नसते हे पिंपरी चिंचवड महापालिकेच्या नगरसेविका कमल घोलप यांनी दाखवून दिलयं. वयाच्या ३९ वर्षी त्यांनी दहावीची परिक्षे दिली अन् ७२ टक्के गुण मिळवत पास देखील झाल्यात. राजकारण, संसार करत असताना जिद्द आणि इच्छा शक्ती असेल तर सर्वच शक्य होतं हे त्यांनी सिध्द करून दाखवलयं. त्यांना मिळवलेल्या या यशाबद्दल सर्वच स्तरातून कौतुक होत असून सर्वांपुढे त्यांनी एक आर्दश ठेवला आहे.