लोणावळा लोकलच्या वेळापत्रकात बदल

गेल्या एक महिन्यापासून विविध कामांमुळे बंद असलेल्या पुणे-लोणावळा मार्गावरील दुपारच्या वेळेतील लोकल सुरू होण्यासाठी आणखी महिनाभर प्रतीक्षा करावी लागणार आहे. मध्य रेल्वेच्या पुणे विभागाकडून पुणे-लोणावळा आणि पुणे-दौंड मार्गावरील देखभाल-दुरुस्तीचे काम एक ते २७ जुलै या कालावधीत सुरू केले जाणार असून, दुपारच्या वेळेत ब्लॉक घेण्यात येणार आहे. परिणामी, दोन्ही मार्गावरील गाड्यांच्या वेळापत्रकात या कालावधीत बदल करण्यात आला आहे.