नागरवस्ती विभागाला कर्मचारी मिळेना

पिंपरी – पिंपरी-चिंचवड महापालिकेच्या लोकाभिमुख असलेल्या नागरवस्ती विकास योजना विभागातील सहा समूह संघटकांच्या सहा महिने मुदतवाढीचा विषय स्थायीच्या मान्यतेकरिता ठेवण्यात आला आहे. तर महापालिका आस्थापनेवर समाजसेवक अभिनामाची चार पदे मंजूर असताना देखील केवळ एकावर कर्मचारी कार्यरत आहे. उर्वरित तीन पदांची अद्यापही भरती न झाल्याने या विभागात कंत्राटी कर्मचाऱ्यांचाच तुटवडा जाणवत आहे. त्यामुळे लाभार्थींना लाभ देण्यात अडचणी निर्माण होत आहेत.