अतिक्रमणांची साफसफाई

पिंपरी - वाहतूक पोलिसांनी हिंजवडीत सुरू केलेला एकेरी वाहतुकीचा प्रयोग यशस्वी करण्यासाठी शिवाजी चौक परिसरातील रस्त्यांवरील अतिक्रमणे शनिवारी (ता. ८) काढण्यात आली. पोलिस, एमआयडीसी आणि ग्रामपंचायत यांच्या संयुक्‍त प्रयत्नांतून ही कारवाई करण्यात आली. सकाळी साडेआठ वाजता सुरू झालेली मोहीम संध्याकाळपर्यंत सुरू होती. यामध्ये या परिसरातील ४०० अतिक्रमणे काढून टाकण्यात आली. पुढील तीन दिवस ही कारवाई सुरू ठेवण्यात येणार आहे.