वाहतूकदार, माथाडी कामगारांचे गणराज

निगडी- येथील वाहतूकनगरीमध्ये देशभरातील शेकडो ट्रक ड्रायव्हर, क्‍लिनर्स येतात. शेकडो माथाडी कामगार याठिकाणी कार्यरत आहेत. या विविध प्रांतातील तसेच जाती-धर्मातील श्रमिकांना एकत्र आणण्यात वाहतूकनगरीतील गणेशोत्सव मोलाचा हातभार लावत आहे. माल पोहचवण्यासाठी अनेक दिवस मजल-दरमजल करणाऱ्या ट्रक ड्रायव्हर, क्‍लिनर्सला वाहतूकनगरीत मुक्कामी आल्यानंतर गणरायाच्या आरती व पुजेमध्ये सहभागी होण्याची मिळत असलेली संधी त्यांच्यासाठी एक पर्वणीच ठरत आहे.