“आधी केले, मग सांगितले’-दक्षता तरुण मंडळ

निगडी- “आधी केले, मग सांगितले’ उक्‍तीला सार्थ करणारे दक्षता तरुण मंडळ आहे. राष्ट्रभूषण सोसायटी, रुपीनगर येथे मंडळाने यंदा “खरा हिरो कोण?’ हा अप्रतिम देखावा सादर केला आहे. आंबेनळी घाटातील बस दुर्घटनेत मदत कार्य करणाऱ्या सह्याद्रि ट्रेकर्स संस्थेचे अध्यक्ष संजय पार्टे यांच्या जीवनावर आधारित जिवंत देखावा आहे. खरा हिरो संजय दत्त की संजय पार्टे, हे यात समजावण्यात आलेय. मंडळाने 25 फूट उंच डोंगराचा सेट उभा केला आहे. देखाव्याचे कंत्राट न देता मंडळाच्या कार्यकर्त्यांनी महाबळेश्वरला जाऊन संजय पार्टे यांना भेटून त्यांच्या जीवनावर स्क्रिप्ट लिहिले. कार्यकर्त्यानी स्वतःच्या आवाजात रेकॉर्डिंग केले आणि 20 कार्यकर्ते यात वेगवेगळ्या पात्रांत आहेत.