'त्या' बदल्या बेकायदा

शहर आणि ग्रामीण पोलिसदलाचे विभाजन करून नव्याने कार्यान्वित झालेल्या पिंपरी-चिंचवड आयुक्तालयासाठी कर्मचारी-अधिकारी आणि सरकारी वाहने देण्यावरून वाद सुरू असतानाच, आता पिंपरी-चिंचवड पोलिस आयुक्तालय विरुद्ध पुणे शहर व ग्रामीण पोलिस असा कलगीतुरा रंगण्याची चिन्हे दिसत आहेत. पिंपरी आयुक्तालय कार्यान्वित होण्याच्या पूर्वसंध्येला करण्यात आलेल्या बदल्या बेकायदा असल्याचा थेट पवित्रा पिंपरीच्या वरिष्ठ अधिकाऱ्यांनी घेतला आहे. 'पुण्यात जाऊ नका. माझा तुमच्यावर वॉच आहे', अशा शब्दांत पोलिसांना जाहीर तंबी देण्यात आली आहे.