चारशे सीएनजी बसभाड्याने घेणार

शहरातील प्रमुख मार्गांवर दर पाच मिनिटांना पुणे महानगर परिवहन महामंडळाच्या (पीएमपी) बसची सेवा पुरविण्याच्या दृष्टीने तयारी करण्यात येत असून त्यासाठी नव्याने ४०० 'सीएनजी' बस भाड्याने घेण्यात येणार आहेत. मुख्यमंत्री देवेंद्र फडणवीस यांच्याशी त्याबाबत मंगळवारी सकारात्मक चर्चा करण्यात आली असून येत्या काही दिवसांत या बस भाड्याने घेण्याची प्रक्रिया सुरू करण्यात येणार असल्याचे 'पीएमपी'चे संचालक सिद्धार्थ शिरोळे यांनी सांगितले.