वाढदिवस म्हटलं की सार्वजनिक रस्त्यावर मांडव टाकून वाढदिवस साजरा केला जात होता. मध्यरात्री केक कापला जात होता, आरडाओरडा आणि जल्लोष केला जात होता. मात्र यापुढे राजकीय नेत्यांसह युवा कार्यकर्ते,नागरिक यांना रस्त्यांवर वाढदिवस साजरा करता येणार नसून मित्रांना डीजेच्या तालावर थिरकता येणार नाही. कारण पिंपरी-चिंचवडचे पोलीस आयुक्त आर.के पद्मनाभन यांनी सार्वजनिक रस्त्यावर वाढदिवस साजरा करण्यास बंदी केली आहे. यासाठी वेळ ठरवली असून रात्री दहाच्या नंतर वाढदिवस साजरा करता येणार नाही.वाढदिवस साजरा केलाच तर एक वर्षाचा करावासाची शिक्षा बर्थ-डे बॉयसह मित्रांना होऊ शकते. या कारवाईचं सामान्य नागरिकांमधून स्वागत होत असून कौतुक केलं जातं आहे. वाकड पोलिसांनी अशा प्रकारची पहिली कारवाई केली आहे.
No comments:
Post a Comment