शिवसेनेकडून पर्यायी चेहऱ्याची चाचपणी

पिंपरी- दोन खासदार असतानाही गतवेळी शिवसेनेचे एकमेव आमदार पिंपरी विधानसभा मतदार संघातून निवडून आले. पंचवार्षिक शेवटच्या टप्प्यात आली, तरी आमदार ऍड. गौतम चाबुकस्वार चमकदार कामगिरी करु न शकल्याने शिवसेनेसाठी विधानसभेचे मैदान आव्हानात्मक ठरणार आहे. त्यामुळे पर्यायी चेहऱ्याचा शोध घेण्याची नामुष्की शिवसेनेवर ओढावली आहे. शिवसेनेची ही अवस्था पाहून विरोधी पक्षातील उमेदवारांच्या अपेक्षा उंचावल्या असून, सर्वच राजकीय पक्षातून इच्छुकांची संख्या वाढत आहे.