45 दिवसांपासून ठप्प असलेले हिंजवडी आयटी पार्क उद्या पासून (दि.६) सुरु

पिंपरी : पोलीसनामा ऑनलाइन – कोरोनाच्या महामारीमुळे सगळीकडे लॉक डाऊन करण्यात आले असून हळूहळू शिथिलता देण्यात येत आहे. गेले ४३ दिवस बंद असलेले हिंजवडी आयटी पार्क अटीशर्थींवर बुधवार (दि.६) पासून पुन्हा सुरू होते आहे. जिल्हा प्रशासनाने त्यासाठी रितसर परवानगी दिली असू ३० टक्के आयटीएन्स कंपनीमधून काम करणार आहेत. हिंजवडी आयटी पार्कमधील तीन फेजमध्ये सुमारे ६५० कंपन्यांतून तब्बल चार लाख आयटी कर्मचाऱ्यांची आवक जावक थंडावल्याने शुकशुकाट होता. रेडझोन नसल्याने कंपन्या सुरू करण्याची परवानगी मिळावी अशी मागणी काही कंपन्यांच्या करण्यात आली होती.