बंधुता साहित्य संमलेनाच्या अध्यक्षपदी अँड. पानसरे

बंधुता साहित्य संमलेनाच्या अध्यक्षपदी अँड. पानसरे: पुणे। दि. १९ (प्रतिनिधी)

पिंपरी-चिंचवडमध्ये जानेवारीत होणार्‍या चौदाव्या राष्ट्रीय बंधुता साहित्य संमेलनाच्या अध्यक्षपदी ज्येष्ठ कामगार नेते अँड. गोविंद पानसरे यांची निवड करण्यात आली. स्वागताध्यक्षपदी शिक्षणतज्ञ हरिश्‍चंद्र गडसिंग यांची निवड झाली.
अँड. पानसरे लेखक, विचारवंत व उत्तम वक्ते आहेत. कामगार व कष्टकर्‍यांच्या न्याय्य हक्कासाठी त्यांनी अनेक लढे उभारले आहेत. त्यांची २१ पुस्तके प्रसिद्ध झाली असून लेखन कार्याबद्दल त्यांना विविध पुरस्कारही मिळाले आहेत.