पिंपरीत एक लाख दुबार मतदार नावे

पिंपरीत एक लाख दुबार मतदार नावेपिंपरी - शहरातील तिन्ही विधानसभा मतदारसंघांत एक लाख आठ हजार दुबार नावे आढळली आहेत. पहिल्या टप्प्यात चिंचवड विधानसभा मतदारसंघातील 32 हजार दुबार मतदारांची शहानिशा करण्याचे काम हाती घेण्यात आले आहे. त्यावर आक्षेप नोंदविण्याचा मंगळवारी (ता. 20) अखेरचा दिवस आहे. त्यानंतर दुबार मतदारांना नोटीस बजावण्याचे काम सुरू करण्यात येणार आहे. खासदार गजानन बाबर यांनी पिंपरी, भोसरी, आणि चिंचवड या तिन्ही मतदारसंघांत तब्बल एक लाख आठ हजार दुबार मतदार असल्याचे निवडणूक विभागाच्या निदर्शनास आणून दिले.