लोकसभा निवडणुकीचा देवालाही फटका !

भोसरीची जत्रा दोन दिवस लांबणीवर

एरवी काही झाले, तरी देवाच्या कोणत्याही कार्यात सहसा बदल होत नाहीत. मात्र, राजकारणासाठी देवाच्या जत्रेतही बदल होऊ शकतो, हे भोसरी उत्सवात झालेल्या बदलामुळे सिध्द झाले आहे. यावर्षी भोसरीची जत्रा लोकसभा निवडणुकीमुळे थोडी लांबवणीवर गेली आहे. सालाबादप्रमाणे 17 व 18 एप्रिलला होणारी जत्रा आता 19 व 20 एप्रिल रोजी होणार आहे, अशी माहिती भैरवनाथ उत्सव समितीचे अध्यक्ष पंडीत गवळी यांनी दिली आहे.