‘संस्कार’ची चौकशी आर्थिक गुन्हे शाखेकडे

पोलिसांची माहिती, आतापर्यंत सहा कोटींच्या फसवणुकीची पोलिसांकडे नोंद

पिंपरी - दामदुप्पट व्याजाचे आमिष दाखवून हजारो गुंतवणूकदारांची आर्थिक फसवणूक करणाऱ्या संस्कार ग्रुपविरोधात दिघी पोलिस ठाण्यात तक्रारी वाढत असून, बुधवारी तब्बल एक कोटीच्या फसवणुकीची नोंद झाली. आतापर्यंत सुमारे सहा कोटी रुपयांच्या फसवणुकीची पोलिसांकडे नोंद करण्यात आली आहे. या गुन्ह्याची व्याप्ती वाढत असल्याने लवकरच संस्कार ग्रुपची चौकशी आर्थिक गुन्हे शाखा करणार असल्याची माहिती पोलिस सूत्रांनी दिली.