“उपद्‌व्यापीं’मुळे खऱ्या सर्प मित्रांना “बाधा’

ओळखपत्राअभावी नागरीक संभ्रमात : वन विभागाकडून चालढकल सुरुच

पिंपरी – सध्या सोशल मीडियावर शहरातील सर्प मित्रांना ओळखपत्र मिळावे अशी एक “व्होटिंग पोस्ट’ फिरत आहे. बरेचजण यावर सर्प मित्रांना वन विभागाकडून ओळखपत्र देण्यात यावे यासाठी मत ही देत आहेत. गेल्या वर्षी वन विभागाने सर्पमित्रांना ओळखपत्रे दिली होती. परंतु, यावर्षी अद्याप देण्यात आलेली नाहीत. शहरातील काही स्वयंघोषित आणि उपद्‌व्यापी सर्प मित्रांमुळे चांगल्या सर्प मित्रांना त्रास सहन करावा लागत असल्याची नाराजी काही सर्प मित्रांनी बोलून दाखवली.