खासदार आढळरावांचा “चौकार’?

ऑनलाईन कल चाचणी : “शिरुर’मध्ये राजकीय चर्चेला उधाण

– निशा पिसे 
पिंपरी – आगामी लोकसभा निवडणुकीच्या पार्श्‍वभूमीवर राजकीय हलचालींना सुरुवात झाली आहे. लोकसभेच्या रिंगणातून माघार घेत असल्याचे भाजप सलग्न आमदार महेश लांडगे यांच्या गोटातून यापूर्वीच जाहीर झाले आहे. असे असताना शिवसेना खासदार शिवाजीराव आढळराव पाटील यांनी शिरुरचा खासदार कोण? या प्रश्‍नावर ऑनलाईन कल चाचणी घेतल्याने मतदार संघात चर्चेला उधाण आले आहे. विशेष म्हणजे, या कलचाचणीत तब्बल 75 टक्‍के नेटीझन्सनी आढळराव पाटील यांना पसंती दिल्याचे दर्शवण्यात आले आहे. त्यामुळे आमदार लांडगे यांच्यासह आढळरावांच्या सर्वपक्षीय विरोधकांमध्ये अस्वस्थता निर्माण झाली आहे.