पिंपरी ते निगडी मेट्रो मार्गिका प्रकल्प अहवालाचे काम सुरु; पहिल्या टप्प्यातच काम पूर्ण करण्यावर मनसे ठाम!

पिंपरी (Pclive7.com):- पिंपरी ते निगडी मेट्रो मार्गिकेकरिता सविस्तर प्रकल्प अहवाल तयार करण्याचे काम सुरु करण्यात आले आहे. याबाबतचे पत्र महाराष्ट्र मेट्रो रेल कॉर्पोरेशन यांनी मनसेचे पिंपरी चिंचवड शहराध्यक्ष सचिन चिखले यांना दिले आहे. दरम्यान, पहिल्या टप्प्यातच हे काम पूर्ण करावे अशी आमची मागणी कायम राहणार असल्याचे चिखले यांनी स्पष्ट केले आहे.