महापालिकेत चिखलीचा दबदबा

चिखली - महापौरपदासाठी राहुल जाधव यांचे नाव निश्‍चित झाल्यानंतर आता महापौर, विरोधी पक्षनेता, सत्तारूढ पक्षनेता यासह क्रीडा सभापती तसेच महिला व बालकल्याण सभापती अशी पाच पदे एकाच वेळी चिखली भागाला मिळाली आहेत. महापालिकेतील निम्म्याहून अधिक पदे एकट्या चिखली भागाला मिळण्याची ही पहिलीच वेळ आहे. त्यामुळे यापुढील काही काळ तरी महापालिकेच्या राजकारणात चिखली केंद्रबिंदू राहणार हे निश्‍चित आहे. आक्रमक विरोधी पक्षनेता आणि महापौर एकाच गावातील असल्याचे महापालिका सभागृहात चांगलीच जुगलबंदी पाहावयास मिळेल, अशी चर्चा सध्या रंगली आहे.