हिंजवडी आयटी हबमध्ये कंपन्या येण्यास इच्छुक

हिंजवडीच्या वाहतूक कोंडीला कंटाळून आयटी हबमधून 54 कंपन्या जाणार असल्याची वावटळ उठल्याने सर्व शासकीय यंत्रणा खडबडून जाग्या झाल्या. मात्र, हिंजवडीतून कंपन्या जाणार नसून आणखी 10 ते 12 कंपन्या नव्याने येणार आहेत. त्यातील काही कंपन्यांना एमआयडीसीने फेज-3 मध्ये प्लॉटदेखील दिले असल्याची माहिती हिंजवडी इंडस्ट्रीयल असोशिअशनचे अध्यक्ष कर्नल चरणजितसिंह भोगल यांनी ‘पुढारी’शी बोलताना दिली.