आमदार जगतापांची भूमिका ठरेना

पिंपरी : उपमुख्यमंत्री अजित पवार यांचे निकटवर्तीय आमदार लक्ष्मण जगताप यांनी मावळ लोकसभा निवडणुकीत बंडाचे निशाण फडकावल्याने राष्ट्रवादीला मोठा ताप झाला आहे. आमदार जगताप शेकापच्या चिन्हावर लढणार की पाठिंबा घेणार? याबाबत अद्यापही निर्णय झालेला नाही. परिणामी राष्ट्रवादीकडून उमेदवारी देण्यात होणारी चालढकलीबाबत उलटसुलट चर्चा सुरू आहे. आमदारांचे बंड राष्ट्रवादीच्या पाठिंब्याने तर नाही ना? पक्ष चालढकल का करतोय? अशा चर्चेला उधाण आले आहे.