“भक्‍ती-शक्‍ती’ उड्डाणपूल चुकीचा?

अमोल थोरात यांचा आरोप : कामाला स्थगिती देण्याची मागणी

पिंपरी, (प्रतिनिधी) – भक्‍ती-शक्‍ती चौकातील ग्रेडसेपरेटर आणि उड्डाणपुलाचा आराखडा नियोजित मेट्रो, मोनोरेल आदी तत्सम प्रकल्पांचा विचार करून तयार केलेला नाही. त्यामुळे या चौकातील ग्रेडसेपरेटर आणि उड्डाणपुलाचे काम स्थगित करून नवीन आराखडा तयार करून त्याला मेट्रो व राज्य शासनाची मंजुरी घेण्यात यावी. मेट्रोने मंजुरी दिलेल्या आराखड्यानुसार येथील ग्रेडसेपरेटर आणि उड्डाणपुलाचे काम करण्यात यावे, अशी मागणी भाजपचे शहर सरचिटणीस अमोल थोरात यांनी केली आहे.