भाजपमध्ये राजीनामानाट्य?

पिंपरी - महापालिकेतील भाजपचे स्वीकृत सदस्य माउली थोरात, मोरेश्‍वर शेडगे आणि बाबू नायर हे पक्षाच्या शहर जिल्हा कार्यकारिणीत अनुक्रमे संघटन सरचिटणीस, उपाध्यक्ष आणि सरचिटणीस असून, या तिघांनाही पक्षाच्या धोरणानुसार पदाचे राजीनामे द्यावे लागणार आहेत. या तिघांकडे एकापेक्षा जास्त पदे असल्याने त्यांच्यावरही राजीनामा देण्याची वेळ आली आहे. त्यासाठी पाच डिसेंबरची मुदत देण्यात आली आहे. प्रदेशाध्यक्ष रावसाहेब दानवे यांच्या निदर्शनास ही बाब आल्याने त्यांनीच या पदाधिकाऱ्यांना राजीनामे देण्याचे आदेश दिल्याने पक्षांतर्गत वातावरण ढवळून निघाले असून, कार्यकर्त्यांत चलबिचल वाढली आहे.