सेंट ॲन्स स्कूलकडून डोनेशन आकारणी

पिंपरी - तळवडे-त्रिवेणीनगर येथील सेंट ॲन्स स्कूलने १९९८ ते २०१० यादरम्यान महापालिकेकडून विशेष बाब म्हणून करमाफीची सवलत मिळविली. मात्र, विशेष सवलत प्राप्त करूनही शाळेने डोनेशन आकारले आहे. ते नियमबाह्य असल्याने शाळेकडून दंडासहित कर वसूल करावा, अशी मागणी सामाजिक कार्यकर्ते दिगंबर गोरडे यांनी महापालिकेचे आयुक्त श्रावण हर्डिकर यांच्याकडे केली.