पैसे घेऊन बिट निरिक्षकाकडून अनधिकृत बांधकामांना अभय; बांधकाम विभागातील सर्वच अधिकारी निलंबीत करा – राहुल कलाटे

पिंपरी (Pclive7.com):- पिंपरी चिंचवड शहरावर अनधिकृत बांधकामाची टांगती तलवार आहे. मात्र अधिकार्यांच्या वरदहस्तामुळे राजरोसपणे शहरात अनधिकृत बांधकामे सुरू आहेत. एखादे अनधिकृत बांधकाम सुरू असेल तर बिट निरिक्षक बांधकाम मालकाला पालिकेत बोलवतात, पैसे घेऊन कारवाई टाळतात. या सर्व धक्कादायक प्रकाराचे पुरावे माझ्याकडे आहेत. अधिकारी पैसे खातात मात्र नगरसेवक बदनाम होतात, त्यामुळे बांधकाम विभागातील सर्वच अधिकारी निलंबीत करा अशी मागणी शिवसेना गटनेते राहुल कलाटे यांनी महासभेत केली.