सांगवीतील संरक्षण हद्दीतील रस्ता विकसित करा; प्रशांत शितोळे यांची महापालिकेकडे मागणी

पिंपरी (Pclive7.com):- सांगवी-किवळे मार्गावरील सांगवी फाटा ते सांगवीपर्यंतच्या हद्दीतील संरक्षण विभागाची जागा महापालिकेच्या मंजूर विकास आराखड्यातील रुंदीप्रमाणे विकसित करण्यासाठी सरंक्षण विभागाने कळविलेली रक्कम पालिकेने २०१७ पूर्वी अदा केली आहे. त्यामुळे सांगवी फाटा ते सांगवी पर्यंतच्या रस्त्याबाबत महापालिकेने प्रत्यक्ष जागेवर काम करणे आवश्यक होते. परंतु, काम झाले नाही. त्यामुळे सांगवी येथील सांगवी किवळे बीआरटी मार्गातील सांगवी फाटा ते सांगवीकडे येणा-या संरक्षण हद्दीतील रस्त्याचे काम त्वरित करण्याची मागणी, राष्ट्रवादी काँग्रेसचे कार्याध्यक्ष प्रशांत शितोळे यांनी महापालिकेकडे केली आहे.