महामेट्रोच्या जलद कृती दलाचे काम उत्कृष्टपणे सुरु

पिंपरी (Pclive7.com):- महाराष्ट्र मेट्रो रेल कॉर्पोरेशन ची मार्गिका क्र.१ पीसीएमसी ते स्वारगेट आणि मार्गिका क्र.२ वनाज ते रामवाडी साठी दोन क्यूआरटी टीम महामेट्रोने तयार केल्या आहेत. महामेट्रोचे काम मार्गिका क्र.१ व मार्गिका क्र.२ येथे जलद गतीने सुरु असून नागरिक, पादचारी, वाहनचालक यांच्या सुरक्षेच्या दृष्टीने कोणताही अनुचित प्रकार घडू नये तसेच वाहतूक सुरक्षित रहावी यासाठी महामेट्रोतर्फे जलद कृती दलाची स्थापना करण्यात आलेली आहे. हे जलद कृती दल मार्गिका क्र.१ चे दि.१५ डिसेंबर २०१७ आणि मार्गिका क्र.२ चे दि. २७ नोव्हेंबर २०१७ पासून कार्यरत आहेत.