पिंपरी - स्वाभिमानी शेतकरी संघटनेकडून पुकारण्यात आलेल्या दूध आंदोलनाचा मंगळवारी (ता. १७) शहराच्या दूधपुरवठ्यावर परिणाम झाला. शहराला एक लाख लिटर कमी दुधाचा पुरवठा झाल्यामुळे काही भागात दुधाचा तुटवडा जाणवत होता. पिंपरी-चिंचवड शहराला दररोज पाच ते साडेपाच लाख लिटर दुधाची आवश्यकता असते. हा पुरवठा सांगली, कोल्हापूर, नगर, संगमनेर या भागातून मोठ्या प्रमाणात होत असतो. दोन दिवसांपासून सुरू असलेल्या दूध आंदोलनामुळे सोमवारी शहराला नियमितपणे दुधाचा पुरवठा झाला होता.
No comments:
Post a Comment