वहातूक पोलिसांवरील हल्ले निंदनीय – पोलिस निरिक्षक किशोर म्हसवडे

हिंजवडी वहातूक कर्मचार्‍यांना रेनकोट चे वाटप

निर्भीडसत्ता न्यूज –

हिंजवडी वहातूक विभागामधे नुकतेच रूजू झालेले पोलिस निरिक्षक किशोर म्हसवडे यांच्या पुढाकारातून सुमारे 50 कर्मचार्‍यांना पावसापासून संरक्षण होण्याकरिता एकाच प्रकारच्या रेनकोट चे वाटप करण्यात आले. दिवस भर अधूनमधून पावसाच्या मुसळधार सरी चालू असतात या पार्श्वभुमीवर वहातूक पोलिसांना मात्र आपले कर्तव्य बजावण्यासाठी प्रसंगी भर पावसात सुद्धा तासनतास उभे रहावे लागते, त्यातच प्रामुख्याने हिंजवडी वहातूक निवारण समस्या हा आता वरिष्ठ पातळीवर सुद्धा ज्वलंत विषय बनला आहे. कर्मचार्‍यांना आपले कर्तव्य बजावताना कसलीही अडचण होणार नाही याची काळजी घेत मागील आठवड्यात बदली होऊन आलेले पोलिस निरिक्षक किशोर म्हसवडे यांनी स्वत: पुढाकार घेत रेनकोट ची व्यवस्था केली आहे.