वाहतूककोंडी सोडवण्यासाठी नवीन दुचाकी!

वाहतूक पोलिसांकडे दाखल; महत्त्वाच्या व्यक्ती, मोर्चा बंदोबस्तासाठी उपयुक्त

पुणे : वाहतूककोंडी झाल्यानंतर प्रत्येक ठिकाणी वाहतूक पोलिसांची गाडी पोहोचू शकत नाही. त्यामुळे वाहनचालकांना वाहतुकीतील बदलांची माहिती देण्यासाठी ध्वनिवर्धक, भोंगा, वाहतूक नियंत्रण करण्यासाठीचे एलईडी बॅटन अशा सुविधा असलेल्या पाच दुचाकी वाहतूक पोलिसांकडे दाखल झाल्या आहेत. अतिमहत्त्वाच्या व्यक्ती तसेच राजकीय नेत्यांच्या बंदोबस्तासाठी लागणाऱ्या ताफ्यातदेखील या दुचाकींचा समावेश केला जाणार आहे.