खुल्या प्रदर्शन केंद्राचे काम लवकरच

पिंपरी - भारतीय आणि आंतरराष्ट्रीय कंपन्यांना उत्पादनाच्या प्रमोशनसाठी व्यासपीठ मिळावे, यासाठी मोशीमध्ये प्रस्तावित असणाऱ्या आंतरराष्ट्रीय प्रदर्शन केंद्राच्या कामाला लवकरच सुरवात होणार आहे. येत्या दीड वर्षात खुल्या प्रदर्शन केंद्राचे काम पूर्ण करण्यात येणार आहे. या केंद्रात रस्ते, मैदान आदी प्रकारच्या सुविधा विकसित करण्याचे काम बी. जी. शिर्के कंपनीला देण्यात आले असून, आगामी दोन महिन्यांत या कामाला सुरवात होणार आहे.