रेशनिंगवर मिळणार 55 रुपये किलो दराने तुरडाळ

पिंपरी – रेशनिंगवर तुरडाळ उपलब्ध करुन देण्याचा निर्णय राज्य सरकारने घेतला आहे. याकरिता 55 रुपये प्रतिकिलो दराने ही डाळ उपलब्ध करुन दिली जाणार आहे. राज्यभरातील सार्वजनिक वितरण प्रणाली असलेल्या सर्व रेशनिंग विक्री दुकानांमधून ही डाळ वितरीत केली जाणार आहे. राज्यातील सर्व जिल्हा पुरवठा अधिकाऱ्यांना याबाबतचे आदेश देण्यात आले आहेत. या कार्यवाहीत कसूर करणाऱ्या अधिकाऱ्यांवर कारवाईचा बडगा उगारला जाणार आहे.