‘पालकमंत्री फिरकत नाहीत, शहराला कोण वाली नाही, आयुक्त हतबल’

एमपीसी न्यूज – पिंपरी-चिंचवड शहराकडे सत्ताधा-यांचे दुर्लक्ष आहे. पालकमंत्री शहरात फिरकत नाहीत. पिंपरी-चिंचवडला कोणी वालीच राहीला नाही. तर, महापालिका आयुक्त श्रावण हर्डीकर हतबल झाले आहेत, असा हल्लाबोल माजी उपमुख्यमंत्री तथा राष्ट्रवादीचे विधीमंडळ गटनेते अजित पवार यांनी केला. तसेच लाल दिवा, महामंडळासाठी एकडून तिकडे उड्या मारणा-या बेडकांना भाजपने अद्यापही काहीच दिले नाही. केवळ गाजर दाखविले.