महेशदादांनी दंड थोपटले.. आखाड्यात उतरलो तर एकालाही सोडणार नाय!

पिंपरी (Pclive7.com):- पाठीमागे “व्हिजन ट्वेंटी-ट्वेंटी” कार्यक्रम घेऊन मुख्यमंत्र्यांनी आम्हाला भाजपात सामावून घेतलं. त्यावेळी भाजपचे शहराध्यक्ष आमदार लक्ष्मण “भाऊ” जगताप यांना मी सांगितलं होतं. मी जातीवंत पैलवान आहे. भोसरीतल्या मातीशी निगडीत माणूस आहे. एकदा तुम्ही पाठीवर थाप मारली, आणि मी आखाड्यात उतरलो, तर एकालासुध्दा सोडणार नाही. म्हणुनच, २०१७ च्या महापालिका निवडणुकीत शिवसेनेचा एकसुध्दा नगरसेवक निवडून येऊ दिला नाही. विरोधकांना याच मातीत पहिल्याच डावात चितपट केले, अशा शब्दांत भोसरीचे पैलवान आमदार महेश लांडगे यांनी शिरूरचे खासदार आढळराव पाटील यांच्यावर निशाना साधला.