…अन्यथा “त्या’ जनावरांची मालकी सोडावी लागणार

पिंपरी – शहरात पाळीव मोकाट जनावरांची संख्या मोठ्या प्रमाणावर आहे. महापालिकेने वारंवार ताकीद देवूनही पाळीव जनावरे मालक रस्त्यावर सोडतात. याला आळा घालण्यासाठी महापालिकेने नवीन प्रस्ताव तयार केला आहे. त्यानुसार सर्व मोकाट जनावरे पकडून भोसरीतील पांजरपोळ संस्थेच्या ताब्यात दिली जाणार असून मुदतीत मालकांनी जनावरे सोडवून न नेल्यास ही जनावरे पांजरपोळ संस्थेच्या मालकीची होणार आहे.