पिंपरी महापालिकेतील भाजपच्या ‘पारदर्शक’ कारभाराची पंतप्रधानांकडे तक्रार

पिंपरी चिंचवड महापालिकेतील भाजपच्या पदाधिकाऱ्यांनी जनतेच्या पैशाची खुलेआम लूट सुरू केलीय. शहरातील रस्त्यांच्या करोडोंच्या कामात रिंग करून महापालिकेच्या तिजोरीवर डल्ला मारला जात आहे.पारदर्शकतेच्या नावाखाली सुरू असलेल्या या उद्योगांची गुप्तचर यंत्रणेमार्फत चौकशी करून संंबंधितांवर कारवाई करावी अशी मागणी पिंपरी चिंचवड शिवसेना प्रणित शिव व्यापारी सेना शहरप्रमुख युवराज दाखले यांनी पंतप्रधान नरेंद्र मोदी यांच्याकडे केली आहे.