लांडगे, वाघेरे, बारणे, धराडे 'राष्ट्रवादी'कडून 'स्थायी'वर

लांडगे, वाघेरे, बारणे, धराडे 'राष्ट्रवादी'कडून 'स्थायी'वर पिंपरी - स्थायी समितीच्या रिक्‍त झालेल्या आठ जागांवर राष्ट्रवादी कॉंग्रेसचे चार, शिवसेना व कॉंग्रेसच्या प्रत्येकी दोन सदस्यांची नावे बुधवारी झालेल्या महापालिका सर्वसाधारण सभेत जाहीर करण्यात आली. 

महेश लांडगे, सुनीता वाघेरे, माया बारणे व शकुंतला धराडे अशी राष्ट्रवादीच्या चार नवनिर्वाचित स्थायी समिती सदस्यांची नावे आहेत. तर, नगरसेविका संगीता भोंडवे व आशा शेंडगे यांची शिवसेनेच्या वतीने स्थायी समितीवर नियुक्‍ती करण्यात आली. कॉंग्रेसच्या कोट्यातून नगरसेवक गणेश लोंढे व सद्‌गुरू कदम यांची नावे जाहीर करण्यात आली. येत्या एक एप्रिलपासून नवनियुक्‍त सदस्य आपल्या पदाचा कार्यभार स्वीकारणार आहेत.