सर्वसाधारण सभेवरील नियंत्रण सुटल्याने महापौर हतबल

सर्वसाधारण सभेवरील नियंत्रण सुटल्याने महापौर हतबल:
तब्बल १८० कोटींचा आर्थिक फटका देणाऱ्या जकात समानीकरणाच्या बहुचर्चित प्रस्तावावरून सोमवारी पिंपरी पालिकेच्या सर्वसाधारण सभेत प्रचंड गोंधळ झाला. राष्ट्रवादीच्या काही नेत्यांची छुपी दुकानदारी असल्याची चर्चा असलेल्या या प्रस्तावावर बोलू न दिल्याने संतापलेल्या शिवसेनेच्या नगरसेवकांनी सभेचे कामकाज बंद पाडण्याचा प्रयत्न केला. मात्र, राष्ट्रवादीच्या अनुभवी नगरसेवकांनी या गोंधळातच विषयपत्रिकेवरील २८ प्रस्ताव काही मिनिटांत मार्गी लावले. या गोंधळात महापौरांचे सभेवरील नियंत्रण सुटल्याचे दिसून आले.
पिंपरी पालिकेच्या सोमवारच्या सर्वसाधारण सभेत प्रामुख्याने जकात विभागाच्या १८ वस्तूंचे दर समान ठेवण्याचा प्रस्ताव होता. या प्रस्तावामुळे पालिकेचे नुकसान होणार असल्याची बाब काही सदस्यांनी महापौर व आयुक्तांच्या निदर्शनास आणून दिली. तसेच जकातीचे दर वाढवण्यास सर्वपक्षीय सदस्यांनी तीव्र विरोधही दर्शविली. चर्चेचा समारोप करताना राष्ट्रवादीकडून योगेश बहल यांनी मांडलेली उपसूचना व समानीकरणाचा प्रस्ताव महापौरांनी मंजूर केला. तथापि, उपसूचनेवर आम्हाला बोलायचे आहे, असे सांगत शिवसेनेच्या नगरसेवकांनी आक्षेप घेतला. मात्र, मंजूर झालेल्या विषयावर बोलता येणार नाही, असे सांगत महापौरांनी पुढील विषय वाचण्याचे आदेश दिले. त्यामुळे सेनेचे नगरसेवक संतापले व त्यांनी गोंधळ घालण्यास सुरूवात केली. बाबासाहेब धुमाळ, श्रीरंग बारणे, सुलभा उबाळे, सीमा सावळे यांच्यासह सेनेचे नगरसेवक महापौरांच्या आसनासमोर आले. त्यांनी महापौर व राष्ट्रवादीच्या एकाधिकारशाहीच्या विरोधात घोषणा सुरू केल्या. त्यामुळे सभागृहात कमालीचे गोंधळाचे वातावरण निर्माण झाले. महापौर शिवसेना नगरसेवकांना बोलू देत नव्हत्या. तर, बोलू न दिल्यास सभा बंद पाडू, असा पवित्रा सेना नगरसेवकांनी घेतला. गोंधळामुळे महापौरांना काही सुचत नव्हते. क्षणात एक आदेश देऊन दुसऱ्या क्षणी त्या भलतेच सांगत होत्या. दुसरीकडून मंगला कदम, शमीम पठाण, नारायण बहिरवाडे, जितेंद्र ननावरे आदींनी विषय घाईने वाचण्याचा सपाटा लावला होता. हे विषय मंजूर झाल्याचे महापौरांनी घोषित करणे अपेक्षित होते.
शिवसेना नगरसेवकांच्या घोषणाबाजीला प्रत्युत्तर देण्यासाठी राष्ट्रवादीचे नगरसेवक सरसावल्याने गोंधळात भर पडली. त्यामुळे अवघ्या काही मिनिटात २८ विषयांचे कामकाज संपवण्यात आले. त्यात अनेक महत्त्वाचे विषय होते. मात्र, त्यापैकी मंजूर कोणते, तहकूब कोणते, कोणत्या विषयावर कुठली उपसूचना दिली, याचा कुणालाही मेळ नव्हता. अखेर, गोंधळातच सभेचे कामकाज संपल्याचे महापौरांनी जाहीर केले. सभेनंतरही सेना नगरसेवकांनी राष्ट्रवादीच्या धिक्काराच्या घोषणा सुरूच ठेवल्या होत्या.  

PCMC okays octroi rationalisation

PCMC okays octroi rationalisation: The Pimpri Chinchwad Municipal Corporation (PCMC) approved a resolution to rationalise octroi rates in the township at its general body meeting held on Monday.

Now, an SMS prompt to pay your power bill

Now, an SMS prompt to pay your power bill: The Pune zone of the Maharashtra State Electricity Distribution Company Ltd (MSEDCL) will soon start sending SMSs to consumers' mobile phones, informing them about their electricity bills.

ऑनलाइन वीजबिलिंगमध्ये पुणेकर आघाडीवर

ऑनलाइन वीजबिलिंगमध्ये पुणेकर आघाडीवर: वीजबिले भरण्यासाठी रांगेत उभे राहण्याचा त्रास आणि विलंब झाल्यास होणारा दंड टाळण्यासाठी ऑनलाइन वीजबिले भरणा-या ग्राहकांमध्ये दिवसेंदिवस वाढ होत आहे. गेल्या महिन्यात ऑनलाइन वीजबिले भरणा-या पुणेकरांची संख्या सव्वादोन लाखांवर पोहोचली आहे.

अजितदादा ‘डागडुजी’ साठी शुक्रवारी पिंपरीच्या बालेकिल्ल्यात

अजितदादा ‘डागडुजी’ साठी शुक्रवारी पिंपरीच्या बालेकिल्ल्यात:
राष्ट्रवादी काँग्रेसला राज्यात कुठेही न मिळालेले निर्विवाद बहुमत देणाऱ्या िपपरी पालिकेतील नगरसेवकांच्या अडीअडचणी समजावून घेण्यासाठी माजी उपमुख्यमंत्री अजित पवार शुक्रवारी चिंचवडला येत असून त्यांच्या उपस्थितीत अ‍ॅटो क्लस्टर सभागृहात महत्त्वपूर्ण बैठकीचे आयोजन करण्यात आले आहे. उपमुख्यमंत्रिपदाचा राजीनामा दिल्यानंतर राज्याच्या राजकारणातून बऱ्यापैकी बाजूला पडलेल्या अजितदादांनी बालेकिल्ल्यातील डागडुजीसाठी आवर्जून वेळ काढला आहे.
िपपरी-चिंचवड हा राष्ट्रवादीचा बालेकिल्ला असून अजितदादा तेथे कारभारी आहेत. मागील काळात अजितदादांचा शहराशी संपर्क कमी झाला आहे. सध्या ते काही काळापुरते राज्याच्या राजकारणातून बाजूला पडले आहे. अशात, त्यांनी बालेकिल्ल्यातील नेते व नगरसेवकांच्या अडचणी दूर करण्यासाठी वेळ काढला आहे. गेल्या काही वर्षांपासून अजितदादांच्या उपस्थितीत नगरसेवकांची बैठक आयोजित करून त्यांच्या अडचणी सोडवल्याची राष्ट्रवादीची जुनी पध्दत आहे. तथापि, नव्या नगरसेवकांची तशी बैठक झाली नव्हती. स्थानिक नेते नगरसेवकांना अजितदादांपर्यंत पोहोचू देत नाही. त्यामुळे अनेक नगरसेवक त्यांची भेट घेण्यासाठी व स्वत:ची ओळख करून घेण्यासाठी आतूर आहेत. या पाश्र्वभूमीवर, अजितदादांच्या उपस्थितीत चिंचवडला बैठक आयोजित करण्यात आली.
यावेळी ते पक्षाचे नेते व नगरसेवकांशी संवाद साधणार आहेत. याशिवाय, महापालिकेच्या विविध प्रकल्प, योजना व निर्णयांचा आढावा घेणार आहेत.  

शहिदांची नावे रस्त्यांना देण्याच्या निर्णयाची अंमलबजावणी कधी?

शहिदांची नावे रस्त्यांना देण्याच्या निर्णयाची अंमलबजावणी कधी?:
पिंपरी-चिंचवड शहरातील महत्त्वाच्या रस्त्यांना शहीद पोलीस अधिकाऱ्यांची नावे देण्याचा निर्णय महापालिकेने घेतला. मात्र, त्याची अंमलबजावणी केली नसल्याची बाब राजीव गांधी प्रतिष्ठानने आयुक्त डॉ. श्रीकर परदेशी यांच्या निदर्शनास आणून दिली आहे. यापुढील काळात पालिकेतील महत्त्वाच्या प्रकल्पांना अथवा मोठय़ा रस्त्यांना त्यांची नावे देऊन त्यांच्या बलिदानाची आठवण कायम ठेवावी, अशी मागणी प्रतिष्ठानने केली आहे. राजीव गांधी प्रतिष्ठानचे अध्यक्ष संदेशकुमार नवले यांनी आयुक्तांना हे निवेदन दिले आहे. मुंबईत २६/११ च्या हल्ल्यात शहीद झालेले हेमंत करकरे, अशोक कामटे, विजय साळसकर, तुकाराम ओंबाळे, संदीप उन्नीकृष्णन यांची नावे पालिकेच्या प्रकल्पांना देण्याचा निर्णय महापालिकेने घेतला होता. त्याचे काय झाले, असा मुद्दा प्रतिष्ठानने उपस्थित केला आहे. त्याची अंमलबजावणीसाठी प्रतिष्ठानकडून सतत पाठपुरावा केला जात आहे. महापालिका सभागृहात माजी मुख्यमंत्री विलासराव देशमुख व शिवसेनाप्रमुख बाळासाहेब ठाकरे यांचे तैलचित्र लावावे, अशी मागणीही संस्थेने आयुक्तांकडे केली आहे.

भाडेकरू नोंदीबाबत पोलिसांचा ढिसाळपणा

भाडेकरू नोंदीबाबत पोलिसांचा ढिसाळपणा: पुणे। दि. २६ (प्रतिनिधी)

घातपात करणारे अतिरेकी एखादी खोली किंवा फ्लॅट भाड्याने घेऊन राहत असल्याचे पुण्यात वारंवार दिसून आल्यानंतरही पोलीस त्याबाबत अद्यापही ढिलाई दाखवीत आहेत. ग्रामीण पोलिसांकडे भाडेकरूंच्या संख्येची एकत्रित नोंदच नसल्याचे आणि पोलीस ठाण्यांकडूनही घरमालकांना भाडेकरूंची नोंदणी करण्याबाबत सूचना नसल्याचे आढळून आले.

पुणे शहर पोलिस आयुक्तांनी घरमालकांना सावध करून भाडेकरूंची माहिती पोलीस ठाण्यात देण्याचे आवाहन केले होते, त्याला शहरात चांगला प्रतिसादही मिळाला. ज्यांनी अशा नोंदी केल्या नव्हत्या, त्यांच्यावर खटले दाखल करण्यात आले. भाडेकरूंची माहिती पोलीस ठाण्यात दिल्यास भाडेकरू त्या माहितीचा न्यायालयीन पुरावा म्हणून वापर करण्याची शक्यता असल्याने सर्वच जुन्या भाडेकरूंची नोंद झालेली नाही. तथापि, नव्याने राहण्यासाठी आलेल्या भाडेकरूंची नोंद ठेवणे आवश्यक असल्याचे पोलिसांचे म्हणणे आहे. हद्द पालिकेची आणि अंमल ग्रामीण पोलिसांचा असे चित्र काही उपनगरांमध्ये आहे.

घातपात करणार्‍यांना पुणे शहरात चाप लावण्याचा प्रयत्न पोलिसांनी केला असला तरी ग्रामीण भागात मात्र रान मोकळे आहे.

जंगली महाराज रस्त्यावर साखळी बाँबस्फोट करणार्‍यांनी पिंपरी चिंचवड परिसरातील घरात आश्रय घेतला असल्याचे दिसून आले आहे.

भाडेकरूची पूर्ण माहिती, छायाचित्र, मोबाईलनंबर यांची माहिती घरमालकांनी भरून द्यावी यासाठी पुणे शहर पोलिसांनी पोलीस ठाण्यांच्या बाहेर स्वतंत्र टपालपेटी ठेवल्याचे दिसून येते. पुणे ग्रामीण पोलीस दलातच याबाबत ढिसाळपणा आहे. हवेली पोलीस ठाण्याच्या हद्दीत मोठय़ा प्रमाणात सोसायट्या आणि घरे आहेत. शहर पोलिसांची हद्द राजाराम पुलापर्यंतच असून त्यापुढे हवेली पोलीस ठाण्याची हद्द सुरू होते. या ठिकाणी हिंगणो, आनंदनगर, वडगाव, धायरी, नांदेड, किरकटवाडी अशा ठिकाणी मोठय़ा प्रमाणात सोसायट्या आहेत.त्यामध्ये मोठय़ा संख्येने भाडेकरूही राहतात.

विमानतळ चांदूस-कोरेगावातच

विमानतळ चांदूस-कोरेगावातच: आसखेड। दि. २६ (वार्ताहर)

प्रस्तावित विमानतळ नियोजित (चांदुस—कोरेगाव) या जागेतच होणार असून, बाधित शेतकर्‍यांना विश्‍वासात घेऊन योग्य भाव आणि अडचणीवर योग्य मार्ग काढीत निर्णय घेतला जाणार आहे, असे प्रतिपादन माजी उपमुख्यमंत्री अजितदादा पवार यांनी करंजविहिरे (ता. खेड) येथील विश्रामगृहात औपचारिक बैठकीत केले.

दरम्यान, आळंदी येथील अतिक्रमण, विमानतळविरोधी समितीचे भामचंद्र डोंगर परिसर आरक्षणबाधित शेतकरी आदींची निवेदने व त्यावर चर्चा करण्यात आली. त्यानंतर करंजविहिरे—तळशेत—धामणे—पाईट आदी गावांना जोडणार्‍या पुलाचे उद्घाटन अजितदादा पवार, पुण्याचे पालकमंत्री सचिन अहिर यांच्या हस्ते करण्यात आले.
या वेळी विमानतळाविषयीच्या झालेल्या निर्णयाबाबत बाधित शेतकर्‍यांना योग्य माहिती देण्याच्या सूचना प्रांताधिकारी सुनील थोरवे यांना पवार यांनी दिल्या. भामा नदीच्या पुलाच्या उद्घाटनप्रसंगी आमदार दिलीपराव मोहिते—पाटील, जिल्हाध्यक्ष सुरेश घुले, जिल्हा परिषद अध्यक्ष दत्तात्रय भरणे, जिल्हा परिषदेचे उपाध्यक्ष प्रदीप कंद आदी उपस्थित होते.

आठ महिन्यात 176 कोटींचा खर्च 493 कोटी शिल्लक !

आठ महिन्यात 176 कोटींचा खर्च 493 कोटी शिल्लक !
पिंपरी, 26 नोव्हेंबर
महापालिका प्रशासनाने चालू आर्थिक वर्षातील पहिल्या आठ महिन्यात भांडवली कामांवर केवळ 176 कोटी रुपयांचा खर्च केला आहे. त्यामुळे स्थापत्य विभागासह विद्युत, पाणीपुरवठा, जलनिःस्सारण, भुयारी गटार, प अंदाजपत्रक आणि वैद्यकीय विभागासाठी 669 कोटी रुपयांची विक्रमी तरतूद असताना महापालिका कोषागारात आज अखेरीस 493 कोटी रुपये अक्षरश: पडून आहेत.
www.mypimprichinchwad.com

जकात समानीकरणाच्या प्रस्तावावरुन महापालिका सभेत गदारोळ

जकात समानीकरणाच्या प्रस्तावावरुन महापालिका सभेत गदारोळ
पिंपरी, 26 नोव्हेंबर
जकात समानीकरणाच्या प्रस्तावावरुन पिंपरी-चिंचवड महापालिकेच्या सभेत आज (सोमवारी) गदारोळ झाला. समानीकरणामुळे जकात उत्पन्नाला 190 कोटींचा फटका बसणार असल्याने शिवसेना आणि मनसेने या प्रस्तावाला जोरदार विरोध केला. मात्र महापौर मोहिनी लांडे यांनी त्याची दखल न घेत सभा रेटून नेण्याचा प्रयत्न केल्याने शिवसेना आणि मनसेच्या सदस्यांनी महापौरांच्या आसनासमोर धाव घेत गोंधळ घातला. घोषणाबाजी करत कामकाज रोखण्याचाही प्रयत्न केला. परंतु, ही संधी साधून सत्ताधारी राष्ट्रवादी काँग्रेसने उपसूचना घुसडत तब्बल 26 प्रस्ताव अवघ्या दहा मिनिटांत मंजूर करुन टाकले. अनधिकृत बांधकामांना सोई-सुविधा पुरविण्याचा प्रस्ताव तहकूब ठेवण्यात आला.
www.mypimprichinchwad.com

सासुरवाडीच्या छळाला कंटाळून जावयाची आत्महत्या

सासुरवाडीच्या छळाला कंटाळून जावयाची आत्महत्या
पिंपरी, 26 नोव्हेंबर
सासुरवाडीतील सततच्या छळाला कंटाळून प्रेमविवाहानंतर अवघ्या चारच महिन्यांत जावयाने राहत्या घरात गळफास लावून जीवनयात्रा संपविली. या प्रकरणी मृत युवकाची पत्नी, सासू, सासरे यांच्याविरोधात पिंपरी पोलीस ठाण्यात गुन्हा दाखल करण्यात आला आहे. कौटुंबिक कलहातून आत्महत्या केल्याचे पोलिसांकडून सांगण्यात येत आहे. ही घटना आज सकाळी सहा वाजता पिंपरीच्या इंदिरानगर झोपडपट्टीत घडली
www.mypimprichinchwad.com

पीएमपीच्या 4913 पैकी 4029 थांब्यांवर शेडच नाही

पीएमपीच्या 4913 पैकी 4029 थांब्यांवर शेडच नाही
पिंपरी, 26 नोव्हेंबर
पुणे महानगर परिवहन महामंडळाच्या (पीएमपीएल) 4913 पैकी अवघ्या 4029 थांब्यांवर शेडच नाहीत. तर 3263 थांब्यांवर नावाची पाटी नसल्याची माहिती पुढे आली आहे. सामाजिक कार्यकर्ते विठ्ठल विनोद यांनी माहिती अधिकारांतर्गत ही माहिती मागविली होती.
पीएमपीएमएलच्या बसथांब्यांच्या सद्यस्थितीविषयीची माहिती विठ्ठल विनोद यांनी मागितली होती. पीएमपीएलने दिलेल्या माहितीनुसार पुणे शहर, पिंपरी-चिंचवडजवळील उपनगरे मिळून चार हजार 913 थांबे आहेत. त्यापैकी 884 थांब्यांवर बसशेड आहेत. तर 1650 थांब्यांवर मार्गदर्शक फलक उभारण्यात आले आहेत.
www.mypimprichinchwad.com

बॉम्बचे विविध प्रकार पाहून पिंपरी-चिंचवडकर चकित

बॉम्बचे विविध प्रकार पाहून पिंपरी-चिंचवडकर चकित
पिंपरी, 26 नोव्हेंबर
बॉम्बस्फोट, दहशतवादी हल्ला, आतंकवाद्याशी पोलिसांचा लढा या शब्दांपलिकडे नागरिकांना काहीच 'खबर' नसते. मात्र मुंबईत 26/11 या दहशतवादी हल्ल्याला चार वर्ष पूर्ण झाल्याच्या पार्श्वभूमीवर बॉम्ब व बॉम्बसदृश्य वस्तू कशा प्रकारच्या असतात. बॉम्ब कसा असतो, त्याचा शोध कसा घेतला जातो, हे कुतुहलाने पाहाण्याचा दुर्मिळ योग पिंपरी-चिंचवड शहरवासियांनी आज अनुभवला. 'त्या' वस्तू शोधून 'बीडीडीएस' कडून बॉम्ब निकामी करण्यासाठी वापरण्यात येणारी उपकरणे कशी असतात हे पाहण्याची संधी शहरवासियांनी मिळाली.
www.mypimprichinchwad.com

Woman's bag containing cash, gold snatched in Pimpri

Woman's bag containing cash, gold snatched in Pimpri: A motorcycle-borne youth snatched a purse containing cash and gold ornaments from a 46-year-old woman at Pimpri on Saturday morning. The worth of the stolen booty is Rs 1.74 lakh.

Shri Shri Ravi Shankar inaugurates new bank in Pimpri

Shri Shri Ravi Shankar inaugurates new bank in Pimpri: Spiritual leader Shri Shri Ravi Shankar inaugurated the 21st branch of the Seva Vikas Cooperative Bank at Pimpale Saudagar in Pimpri.

PCMC to take up water supply repair works

PCMC to take up water supply repair works: In a proposal submitted to the standing committee, the civic administration has said that in Pimpri-Chinchwad (B zone) water leakages need to be fixed in the area near Vishal theater and Anandnagar. A private contractor will be appointed for the work at an estimated expenditure of Rs 7.46 lakh.

कंपनीच्या प्रवेशद्वारामध्ये अडकून चारवर्षाच्या मुलीचा करुण अंत

कंपनीच्या प्रवेशद्वारामध्ये अडकून चारवर्षाच्या मुलीचा करुण अंत
पिंपरी, 26 नोव्हेंबर
कंपनीचे प्रवेशद्वार बंद करत असताना त्यामध्ये अडकून एका चार वर्षाच्या मुलीचा करुण अंत झाल्याची घटना रविवारी संध्याकाळी सातच्या सुमारास भोसरी एमआयडीसीमधील शर्मा प्रेसिंग कंपनीत घडली.
www.mypimprichinchwad.com

पैलवान विजय गावडे भारत केसरीचा मानकरी

पैलवान विजय गावडे भारत केसरीचा मानकरी
पिंपरी, 25 नोव्हेंबर
सोनिपत हरयाणा येथे झालेल्या राष्ट्रीय क्रीडा स्पर्धेत नवी दिल्लीच्या प्रदीप ठाकुर याला हरवून पैलवान विजय हनुमंत गावडे भारत केसरीचा मानकरी ठरला.
www.mypimprichinchwad.com

पिंपरी-चिंचवड परिसरात वाहनांची संख्या दहा लाखांच्या घरात

पिंपरी-चिंचवड परिसरात वाहनांची संख्या दहा लाखांच्या घरात

पिंपरी, 25 नोव्हेंबर
पिंपरी-चिंचवड शहराबरोबर परिसरातील वाहनांची संख्या आता 10 लाखांच्या घरात पोहोचली आहे. त्यामुळे गेल्या पाच वर्षांत लाखो वाहनांची गर्दी रस्त्यावर झाल्याचे दिसून येत आहे. पिंपरी-चिंचवड उपप्रादेशिक परिवहन कार्यालयाचा (आरटीओ) महसुलात अडीचशे कोटींचा टप्पा पार केला आहे. संख्याशास्त्र, आकर्षक क्रमांकासाठी नागरिक धडपड वाढत असून, गेल्या पाच वर्षांत पसंती क्रमांकाच्या नोंदणीत तब्बल सहापट वाढ झाल्याचे दिसून येत आहे.
www.mypimprichinchwad.com

कारचालकाचा ताबा सुटून अपघात; दोघे गंभीर जखमी

कारचालकाचा ताबा सुटून अपघात; दोघे गंभीर जखमी

कारचालकाचा ताबा सुटल्याने एक सेन्ट्रो कार रस्ता दुभाजकावर आदळल्याने मालक व कारचालक दोघेही गंभीर जखमी झाले. ही घटना आज (रविवारी) सकाळी सुमारे साडेदहाच्या सुमारास निगडीतील भक्ती-शक्ती चौकाजवळ घडली.
www.mypimprichinchwad.com

‘श्रीमंत’ महापालिकेला परवडत नसल्यामुळे भोसरी नाटय़गृह ‘बीओटी’ वर देण्याचा निर्णय

‘श्रीमंत’ महापालिकेला परवडत नसल्यामुळे भोसरी नाटय़गृह ‘बीओटी’ वर देण्याचा निर्णय:

'श्रीमंत' पिंपरी महापालिकेने आर्थिकदृष्टय़ा परवडत नसल्याचे कारण देत २५ कोटी खर्चून बांधलेले भोसरीचे अंकुशराव लांडगे नाटय़गृह 'बीओटी' वर देण्याचा निर्णय घेतला आहे. प्रभारी आयुक्तांनी बरेच दिवस रखडवून ठेवलेला विषय आयुक्त डॉ. श्रीकर परदेशी यांनी हातावेगळा केला असून या संदर्भात निविदा प्रक्रिया सुरू करण्याचे आदेश दिले आहेत. विभागांमध्ये समन्वय नाही, राजकीय इच्छाशक्तीचा अभाव, उत्पन्नापेक्षा दुप्पट खर्च व कामगिरी दाखवण्यापेक्षा रडगाणे करणाऱ्या अधिकाऱ्यांची अनास्था यामुळेच हा निर्णय घ्यावा लागल्याचे मानले जाते.
िपपरी-चिंचवडसह भोसरी-आळंदी-चाकण परिसरातील मोठा प्रेक्षकवर्ग डोळ्यासमोर ठेवून उभारण्यात आलेल्या भोसरी नाटय़गृहासाठी तब्बल २५ कोटी रुपये खर्च झाला. त्या तुलनेत नाटय़गृहातून मिळणारे उत्पन्न तुटपुंजे आहे आणि होणारा खर्च उत्पन्नाच्या दुप्पट आहे. मागील वर्षी ८० लाख रुपये खर्च झाले तर ४० लाख उत्पन्न मिळाले. यंदा ७ महिन्यात २२ लाखापर्यंत उत्पन्न गेले. मात्र, खर्चाचा आकडा दुप्पटच आहे. याशिवाय, दर महिन्याला येणारे अडीच लाखापर्यंतचे वीजबील ही डोकेदुखी कायम असून साफसफाईसह अन्य खर्च ठरलेला आहेच. एकीकडे आर्थिक ओढाताण असताना हक्काचे उत्पन्न मिळू शकते, त्या गोष्टींकडे प्रशासनाने कधी लक्ष दिले नाही, हे उघड गुपित आहे. नगररचना, भूमीिजदगी, प्रभाग कार्यालय, मुख्यालय यांचे एकामेकांत त्रांगडे राहिल्याने नाटय़गृहातील वाहनतळ, गॅलरी व उपाहारगृहाचा निर्णय झाला नाही. त्यामुळे चार वर्षांतील मिळू शकणारी मोठी रक्कम मातीत गेली. मात्र, त्याचे कोणालाही सोयरसुतक नाही.
खर्च व उत्पन्नाची तोंडमिळवणी होत नसल्याचे कारण देत नाटय़गृह 'बीओटी' वर देण्याचा प्रयत्न यापूर्वीच झाला होता. मात्र, ठराविक एक व्यक्तीच नाटय़गृह चालवण्यासाठी स्वारस्य दाखवते. एकच निविदा आल्याने तेव्हा निर्णय झाला नव्हता. आता दुसऱ्यांदा 'बीओटी' च्या निविदा काढण्यात येणार आहेत. मात्र, परिस्थितीत फरक नाही. भोसरीतील एकूण वातावरण पाहता बाहेरील कोणी नाटय़गृह चालवण्याचे धारिष्टय़ दाखवत नाही. तर, स्थानिक पातळीवरील कोणी उत्सुक नाही. त्यामुळे याबाबतचा तिढा सुटत नाही. नाटय़गृह चालेल की नाही, अशी शंका असतानाही भोसरीत नाटय़गृहाला चांगला प्रतिसाद मिळतो आहे. हळूहळू ही परिस्थिती सुधारत जाणार आहे. मात्र, नियोजनाचा अभाव असल्याने कोटय़वधी रुपये खर्चून बांधलेली वास्तू दुसऱ्याच्या स्वाधीन करण्याची वेळ महापालिकेवर आली आहे.  

चिंचवडमध्ये सव्वा लाखांची घरफोडी

चिंचवडमध्ये सव्वा लाखांची घरफोडी:
चिंचवड येथे बंद सदनिकेचा कडी-कोयंडा उचकटून अज्ञात चोरटय़ाने घरात प्रवेश करून सोन्याचे दागिने व रोख रक्कम असा एकूण १ लाख १८ हजार रुपयांचा ऐवज चोरून नेल्याची घटना उघडकीस आली आहे. या प्रकरणी चिंचवड पोलीस ठाण्यात गुन्हा दाखल करण्यात आला आहे. पांडुरंग कृष्णजी लवेळकर (रा. देवकर पॅराडाईज, गांधी पेठ, चिंचवड) यांनी  याबाबत फिर्याद दिली आहे. पोलिसांनी दिलेल्या माहितीनुसार, लवेळकर हे मंगळवारी सदनिका बंद करून बाहेरगावी गेले होते. शुक्रवारी सकाळी परत आल्यावर त्यांना आपल्या सदनिकेचा दरवाजा तोडलेला दिसला. कपाटात ठेवलेले ६८ हजाराचे सोन्याचे दागिने व रोख ५० हजार असा एकूण एक लाख १८ हजार रुपयांचा ऐवज चोरून नेल्याचे दिसून आले. या प्रकरणी अज्ञात व्यक्तीच्या विरुद्ध चिंचवड पोलीस ठाण्यात गुन्हा दाखल करण्यात आला आहे.

अनुदान थेट बँकेत

अनुदान थेट बँकेत: पुणे। दि. २४ (विशेष प्रतिनिधी)

विविध सरकारी योजनांनुसार दिल्या जाणार्‍या अनुदानाची रक्कम ‘आधार कार्डा’शी निगडित संगणकीय व्यवस्थेच्या माध्यमातून लाभार्थ्यांच्या बँक खात्यात थेट जमा करण्याच्या महत्त्वाकांक्षी कार्यक्रमाची सुरुवात देशातील निवडक ५१ जिल्ह्यांमध्ये १ जानेवारीपासून केली जाईल. यात महाराष्ट्रातील पाच जिल्ह्यांचा समावेश असेल. केंद्रीय वित्तमंत्री पी. चिदम्बरम यांनी आज येथे ही माहिती दिली.

एका कार्यक्रमात बोलताना चिदम्बरम म्हणाले की, अशा प्रकारे ‘आधार’च्या माध्यमातून लाभार्थ्यांना रोखीने अनुदान देण्याची योजना डिसेंबर २0१३च्या अखेरपर्यंत संपूर्ण देशात राबविली जाईल.

ही योजना राबविण्यासाठी ८0 टक्क्यांहून जास्त लोकांना आधार कार्ड देण्याचे काम पूर्ण झालेल्या १५ राज्यांमधील ५१ जिल्हे सुरुवातीस निवडले गेले आहेत. आधार कार्डे जारी करण्याचे काम इतर ठिकाणी एकीकडे अधिकाधिक भागांमध्ये पूर्ण करत आणायचे व त्यानुसार अनुदान लाभार्थ्यांच्या बँक खात्यांमध्ये जमा करण्याच्या योजनेचीही व्याप्ती दुसरीकडे वाढवीत न्यायची, असा सरकारचा इरादा आहे. त्याचबरोबर देशातील सर्व बँकांमध्ये ‘कोअर बँकिंग सोल्युशन्स’ ही संगणकीय प्रणालीही सुरू झालेली असेल. २0१४ मध्ये लोकसभेच्या सार्वत्रिक निवडणुकांना सामोरे जाणार्‍या ‘यूपीए’ सरकारच्या दृष्टीने राजकीय लाभ घेण्यासाठी थेट बँकेत अनुदान जमा करण्याची योजना राष्ट्रीय रोजगार हमी योजनेहून अधिक महत्त्वाची आहे. ही योजना यशस्वी झाली तर दरवर्षी सरकारी तिजोरीतून चार लाख रुपयांहून अधिक रक्कम थेट लाभार्थ्यांना मिळेल. हे लक्षात घेऊनच पंतप्रधान या योजनेच्या प्रगतीवर जातीन लक्ष ठेवून आहेत.