दरोड्याच्या तयारीतील टोळीला अटक

दरोड्याच्या तयारीतील टोळीला अटक: पिंपरी। दि. १0 (प्रतिनिधी)

निगडीतील यमुनानगर परिसरात एका एटीएम केंद्रावर येणार्‍या ग्राहकांना लुटण्यासाठी दबा धरून बसलेल्या टोळीला निगडी पोलिसांनी अटक केली आहे. रविवारी पहाटे दोनच्या सुमारास ही कारवाई करण्यात आली.

महादेव साहेबराव साठे (२५, रा. दळवीनगर, ओटास्कीम), मोझेस सॅम्युल शहापूरकर (२८) आणि लॉरेन सॅम्युल शहापूरकर (२६, दोघेही रा. संग्रामनगर, ओटास्कीम) अशी अटक तिघांची नावे आहेत. विनोद गायकवाड आणि सुनील पाटोळे हे त्यांचे दोन साथीदार पळून जाण्यात यशस्वी झाले. येथील बॅँक ऑफ महाराष्ट्रच्या एटीएम केंद्राबाहेर आरोपी थांबल्याचे पोलिसांना आढळले. त्यांना ताब्यात घेऊन चौकशी केली असता त्यांच्याकडे मिरचीपूड, नायलॉनदोरी, कोयता, कटावणी यांसारखी हत्यारे आढळली.