मुळा नदीपात्रात मृत माशांचा खच

मुळा नदीपात्रात
मृत माशांचा खच: वाकड। दि. २१ (वार्ताहर)

गावातील स्मशानभूमीशेजारील मुळा नदीपात्रात आज सकाळी मृत माशांचा खच आढळल्याने परिसरात खळबळ उडाली. या प्रकारामुळे नदीपात्रात मोठय़ा प्रमाणात दुर्गंधी पसरली असून, जिकडे तिकडे मृत माशांचे ढीग पाहायला मिळाले. महापालिकेच्या पर्यावरण विभागाने पाण्याचे नमुने तपासणीसाठी प्रयोगशाळेकडे पाठवले आहेत. मासे कशामुळे मृत झाले, याचे कारण स्पष्ट झाले नाही.