गळतीने गॅसवाहिनीस आग

गळतीने गॅसवाहिनीस आग: नेहरुनगर । दि. १२ (वार्ताहर)

मासुळकर कॉलनी येथे महाराष्ट्र नॅचरल गॅस वाहिनीच्या व्हॉल्व्ह मधून घरगुती गॅसची गळती होऊन आग लागल्यामुळे येथील रहिवाशांमध्ये घबराटीचे वातावरण निर्माण झाले होते. वेळीच उपाययोजना केल्याने मोठी दुघर्टना टळली.

रविवारी सकाळी ६.४५ च्या दरम्यान झिरोबॉईज चौकाच्या काही अंतरावर नेहरूनगर मासुळकर कॉलनी रस्त्यावर ही घटना घडली. प्रत्यक्षदर्शनी सांगितलेल्या माहितीनुसार, सकाळी एका अज्ञात इसमाने गॅसवाहिनी असलेल्या खड्डय़ामध्ये कचरा जाळला व येथून गॅसची गळती होणार्‍या वाहिनीने अचानक पेट घेतला. या गॅसच्या ‘प्रेशर’चा मोठा आवाज दूरपर्यंत नागरिकांना ऐकू येत होता.